Heidelbergse Kategismus
Sondag Een.
Hulle sit met verstarde oë
asof versteen.
Wat is jou enigste troos?
Een waag dit om te sê –
die ander staar net stil…
“Is dit nie dalk dat Jesus gesterf het
om ons ontwil?”
Dortse Leerreels
uit ‘n vorige eeu
maak nie meer baie sin
voel hulle lus om dit uit te skreeu.
Maar praat oor seks en aborsie –
dan praat hulle gou-gou saam.
Dis die wêreld waarin hulle lewe –
al kry die dominee soms ook skaam.
Grootbek en vol brawade
kan hulle tog so spog
oor als wat hulle probeer het
en wie weet wat alles nog.
Maar diep binne-in
is hulle nog maar klein.
Eintlik wil hulle net die versekering hê:
Jesus self maak hulle hartjies rein.
6 Kommentaar
Comments feed for this article
20/12/2008 at 10:23
Pikkelik
Ons vergeet soms dat daai wilde rebelsheid maar net ‘n smeekroep na liefde is…
21/01/2009 at 17:36
freddiescoffeebar
Dis ‘n baie snaakse een hierdie; en waar!
Hoe kan ons relevant bly as ons nie tyd spandeer in die jonger geslag se lewens nie. En dit is challanging, want hulle vrae raak diep sake…
08/02/2009 at 16:05
Frederick Marais
maar gelukkig hoef ons nie die antwoorde te gee nie- ons kan maar net luister en saamwonder sodat hulle ons kan leer or geloof in hierdie wonderlike deurmekaar wereld van ons waarin hulle op punte baie gemakliker is as ons
04/01/2010 at 08:07
Sam
In die jonge verwardheid is die oue te oud,
maar die formuliere van enigheid is nooit te koud.
Hoe leer ons die jonges,
van waardes van ouds,
want by hulle is iets warms, meestal stouts…
Sal jou wroeginge ne vreugdes dophou. Dankie
09/02/2010 at 10:46
Henna Naude
Ek is ‘n ouma, en ek wonder net of ons kinders nie te min blootgestel word aan die werklikheid van Jesuskinders te wees nie. Rekenaars, selfone en al die “in”dinge neem soveel tyd in beslg naas skoolwerk en sport, dat ek so by myself wonder: hoeveel tyd word elke dag spandeer rondom Jesus se liefde vir die kinders. Baie, baie min kinders sien kans om selfs net ‘n tafelgebed te doen. Ek is bekommerd dat ons ouers te min tyd aan God se diens afstaan. Ek kan maar net hierdie saadjie neersit, gelukkig is ek nie die belangrikste in hierdie taak nie.
Ek het hierdie werf nou ontdek. Hoop nie ek gaan gesien word as ‘n klakous nie!
18/03/2010 at 18:51
tiaan
Onsekerheid word weggesteek agter bravade en grootpraat…totdat die skanse verkrummel en die maskers wegraak