Vroue gaan om vir laas sy lyf
te balsem
en sommer net te huil.

Was alles dan leeg,
sinloos en verniet?
Here, die wêreld is so vuil!

Skielik gaan hulle staan
Kan dit dan wees?
Die graf is oop
Die lyk is weg
Ag heretjie tog –
wat kan ons nog tref?

Skielik staan Hy daar –
hulle kyk vir Hom.
“Maria” sê Hy sag.
Hulle staan verstom.

Dan borrel dit in hulle oor:
Die Here leef!
Ons het Hom nie verloor!

Vinnig hardloop om te vertel
vir die ander in hul pyn:
Ons Here leef –
Hy het self aan ons verskyn.

Advertisements